Pas votimit në Parlamentin Evropian ku u konfirmua për të dytën herë mandati për fillimin e trialogut për liberalizimin e vizave për Kosovën, ka reaguar edhe kryeministri i Kosovës, Ramush Haradinaj.
Ai thotë se një vullnet kaq i fuqishëm politik që buroi sot nga Parlamenti Evropian në Strasburg, rikonfirmon për të disatën herë se institucionet e Kosovës i kanë përmbushur të gjitha kushtet e parashtruara, siç e ka konfirmuar edhe Komisioni Evropian në Bruksel vitin e kaluar.
Haradinaj shtoi se është tërësisht e padrejtë, frustruese, dhe dekurajuese që qytetarëve të Kosovës vazhdon t’u mohohet e drejta e fituar për lëvizje të lirë në Evropë.
“Në emër të institucioneve dhe qytetarëve të Kosovës, u bëjmë thirrje kryeqyteteve të shteteve anëtare të Bashkimit Evropian, që t’i japin drejtim dhe epilog çështjes së liberalizimit të vizave për Kosovën, si e drejtë e fituar dhe e pakontestueshme, tani kur bëhen shtatë vjet nga data kur na është dorëzuar udhërrëfyesi për vizat”, vijoi Haradinaj.
Kreu i Qeverisë tha se mbesim të fokusuar për avancimin e rrugës së Kosovës drejt Bashkimit Evropian, dhe tha se u qëndron fuqishëm besnike vlerave dhe parimeve për të cilat tha ai “jemi zotuar bashkë në Marrëveshjen e Stabilizim-Asociimit”.
-
Haradinaj: BE-ja të vendosë në të drejtën e kosovarëve për lëvizjen e lirë
-
Haradinaj: Liberalizimi në pranverë, shtyrjes i kontribuoi edhe vonesa e formimit të institucioneve
-
Prapë premton Haradinaj, në dhjetor thotë bëhet liberalizimi i vizave
-
Haradinaj: Franca u bind për viza, kemi punë me Holandën
-
Haradinaj i uron qytetarët që Gjermania e konfirmoi edhe një herë mbështetjen për vizat