I nominuari për kryeministër i koalicionit PDK-AAK-Nisma, Ramush Haradinaj, në një takimi bashkëbisedues me qytetarë të Prizrenit, ka thënë se në këtë qytet, “shpirti shqiptar është më i dukshmi”.
“Por, ka edhe diçka! Pikërisht këtu, ku shpirti shqiptar është i dukshëm, është i vërejtshëm, kanë gjetur harmoni më së miri komunitetet. Pra, kjo tregon se aty ku është shqiptari, mundet dhe do të mund të jetojë gjithkush si zot shpije në shtëpinë e vet. Edhe serbi, edhe turku, edhe boshnjaku, edhe ashkalija, edhe egjiptasi edhe romi, edhe goranët”, ka thënë Haradinaj.
Tutje ai ka shtuar se Kosova është vend i gjithë qytetarëve të vet. “Do të jenë zotë shpije qytetarët e këtij vendi. Por, në Kosovë s’ka vend për Serbinë. Këtë duhet ta kuptojë çdokush, si në vend, e si jashtë vendit”, tha Haradinaj.