Kryeministri i Kosovës Ramush Haradinaj, ka komentuar takimin e sotëm me David Hale, që patën krerët shtetëror me të.
“Pata nderin që sot në rezidencën e Ambasadorit Amerikan në Kosovë Philip Kosnett së bashku me Presidentin Thaçi dhe Kryetarin Veseli të zhvillojmë një takim të hapur dhe të sinqertë me Nënsekretarin për Çështje Politike, David Hale. Në këtë takim paraqita qëndrimin se tash Kosova është më e gatshme se kurrë, e unifikuar me një zë të vazhdojë dialogun me Serbinë dhe të kontribuojë në fqinjësi të mirë, paqe dhe stabilitet. Ky unitet është edhe me domethënës pas votimit të Platformës se Dialogut dhe Ligjit”, ka shkruar Haradinaj në facebook.
E ritheksova, thotë tutje Haradinaj, “se ne jemi gati për dialog dhe ftojmë Serbinë që t’i kthehet tavolinës e të diskutojmë të gjitha çështjet e hapura duke përfshirë edhe tregtinë e lirë dhe të arrijmë një marrëveshje që rezulton me njohje në kufijtë ekzistues”.
-
Haradinaj: Në Washington për marrëveshje përfundimtare me Serbinë
-
Haradinaj thotë se Kosova s’guxon të ulet në tavolinë ku diskutohet territori
-
Haradinaj thotë se do t’i ftojë liderët në takime individuale për unitet rreth dialogut
-
Haradinaj: Kosova e gatshme për marrëveshje që rezulton me njohje reciproke
-
Haradinaj në takim me Kosnettin, për zgjedhjet e parakohshme thotë se Kosova tregoi nivel të lartë të demokracisë