Kryetari i Aleancës për Ardhmërinë e Kosovës, Ramush Haradinaj vizitoi sot Bashkësinë Islame të Kosovës me rastin e festës së Kurban Bajramit.
Pas pritjes nga Myftiu i Kosovës, Naim Tërnava, Haradinaj u uroi të gjithëve festën e Kurban Bajramit.
“Një festë që lidhet me ne, me shqiptarët. Ne na ka përcjell sakrifica në vazhdimësi, pra sakrificë edhe dhimbje edhe vuajtje, por kemi qëndru bashkë. Edhe porosia e Kurban Bajramit si festë është sakrifica për të mirën e përgjithshme”, tha ai.