Kryeministri i Kosovës, Ramush Haradinaj në konferencën për media pas takimit të Këshillit të Sigurisë Kombëtare, e ka quajtur lajm kërcënues dhe të rrezikshëm për Kosovën armatosjen e Serbisë me raketa.
Haradinaj në konferencën e përbashkët me drejtorin e Policisë së Kosovës, Shpend Maxhuni, ka thënë se deklaratat politike kanë peshë dhe se nuk duhet të neglizhohen, por sipas tij, delegacioni i Kosovës për bisedime me Serbinë nuk është dashur të shkojë në Bruksel shkaku i lajmit të armatosjes së ushtrisë serbe me raketa që kanë rreze deri në Kosovë.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Dialogu është në fazë kritike, dialogu i tillë është i konsumuar. Qëndrimi i Kosovës është që të kalohet në fazën finale, pra të bëhemi gati për njohje reciproke. Deklarimet politike kanë peshë, asnjëherë nuk duhet të neglizhohen, por është shumë më kërcënues që Serbia synon të armatoset me raketa që mund të arrijnë në çdo destiancion në Kosovë”, ka thënë Haradinaj, transmeton Koha.net.
“Pra në këtë rast pas këtij lajmi nuk ishte dashur që të shkojmë në dialog dhe jo ata të reagojnë për një deklaratë politike [të Kadri Veselit për Nishin]. Kjo është shqetësuese”, ka shtuar Haradinaj.
Haradinaj, ka thënë se dënon vrasjen e Oliver Ivanoviqit dhe ka bërë thirrje që kjo vepër makabre të mos përdoret nga askush për agjenda të ndryshme politike nga kushdoqoftë.
Ai këto komente i bëri pas takimit të Këshillit të sigurisë kombëtare, ku është biseduar për gjendjen e sigurisë në vend, pas vrasjes së kreut të Iniciativës Qytetare Liri, demokraci, drejtësi në veri Oliver Ivanoviq.
Ivanoviq ishte pjesëmarrës aktiv në jetën aktive dhe kjo vrasje ka parametra të keqpërdorimit politik apo më shumë.
“Që nga momenti i marrjes së këtij lajmi, institucionet e vendit kanë kryer detyrat e veta në bazë të ligjit në vendin e ngjarjes. Janë ende në punë. Ne e dënojmë këtë krim dhe çdo tendencë për të shfrytëzuar këtë vepër makabre për agjenda politike nga kushdoqoftë”, ka thënë Haradinaj.