Kryetari i Aleancës për Ardhmërinë e Kosovës, Ramush Haradinaj, ka thënë se kandidatura e Albulena Haxhiut të Lëvizjes Vetëvendosje për kryeparlamentare është jounifikuese.
Sipas tij, kjo është arsyeja përse edhe opozita po voton kundër zgjedhjes së saj kryeparlamentare.
“Haxhiu s’është kandidaturë unifikuese. Kandidatura është jounifikuese dhe kjo po na pengon”, ka thënë ai pas dështimit të tretë që Haxhiu të bëhet kryeparlamentare.
Haradinaj ka shtuar se është i interesuar për tejkalim të ngërçit, por sipas tij, pengesa është te VV-ja.
“Faji bie mbi atë që s’e ka shumicën e s’jep opsion bashkëpunimi. Nëse u duhen votat tona, duhet bashkëpunim”, ka thënë ai.
Ai ka komentuar edhe thirrjet e VV-së që nëse nuk zgjidhet kandidati i saj i propozuar mund të shkohet në zgjedhje. “Edhe për të shkuar në zgjedhje duhet votë e opozitës”, ka thënë ai.
Dështon sërish zgjedhja e Haxhiut si kryeparlamentare
-
Haradinaj: S’kemi votë për Haxhiun, por po për tre të tjerë
-
Haradinaj: Kemi shpresë që LVV-ja propozon kandidat unifikues
-
Haradinaj: Kam dëgjuar se ka përpjekje për ta gjetur një kandidat më unifikues
-
Haradinaj s’e përjashton mundësinë për votimin e Konjufcës kryeparlamentar
-
VV-ja propozon sërish Albulena Haxhiun për kryeparlamentare