Haradinaj: Dialogu ndërmjet partive politike të Kosovës dhe Shqipërisë është gjithnjë i hapur

Kryeministri i Kosovës, Ramush Haradinaj, ka pritur në takim një delegacion të partive opozitare të Shqipërisë.

Në një postim në Facebook, i pari i Qeverisë ka thënë se, bashkëpunimi ndërmjet partive politike të Kosovës me ato të Shqipërisë në të gjitha etapat e shtet ndërtimit ka qenë i frytshëm dhe në këtë aspekt, dialogu midis tyre vazhdon të jetë i hapur.

Ai në takim e së hënës ka pritur kryetarët e partive opozitare Fatmir Mediun, Agron Duka, Nard Ndoka dhe Vangjel Dule me të cilët thotë se u dakorduan se bashkërendimi i qëndrimeve është në interes të dy shteteve dhe qytetarëve tanë.

“Është gjithmonë kënaqësi të bisedojmë për tema të interesit të përbashkët, në të mirë të zhvillimit tonë të brendshëm dhe rrugës tonë euro-atlantike”, ka shkruar Haradinaj.