Kryeministri i Kosovës, Ramush Haradinaj ka takuar drejtorin menaxhues të Agjencisë Kosovare të Privatizimit, Valon Tolaj, me të cilin thotë se kanë bashkëbiseduar për asetet në pronësi shoqërore në tërë territorin e vendit.
Haradinaj ka shkruar në Facebook se gjatë këtij takimi kanë diskutuar edhe për konceptin e Qeverisë që disa prona t’u barten komunave për të dinamizuar zhvillimin ekonomik lokal dhe ngritjen e mirëqenies së qytetarëve.
Kujtojmë se, presidenti i Kosovës, Hashim Thaçi, e pati dërguar në Gjykatën Kushtetuese kryeministrin Ramush Haradinaj për vendimin e tij për disa prona në veri.
Kryeministri Haradinaj para disa ditëve i ka thënë Koha.net se ende nuk e ka pranuar zyrtarisht vendimin e Gjykatës Kushtetuese, e cila e refuzoi kërkesën e presidentit Thaçi dhe e shpalli të papranueshme. E ndonëse ai vendim është publikuar tashmë, Zyra e Haradinajt nuk e ka të qartë se çfarë do të ndodhë tutje me këtë vendim.
Zyra e Kryeministrit të Kosovës i kishte thënë portalit, se deri tash nuk ka pranuar asnjë njoftim zyrtar rreth këtij vendimi.
Lexo edhe: Haradinaj nuk ka përgjigje se çfarë të bëjë me vendimin për pronat në veri
-
Haradinaj nuk ka përgjigje se çfarë të bëjë me vendimin për pronat në veri
-
Haradinaj-Kurtit: Dorëheqje në veri, jo rrëzim me peticion
-
Haradinaj: Vendimi i Qeverisë për pronat e AKP-së është i çuditshëm
-
AKK-ja e konsideron shqetësues vendimin për marrjen e pronave të shtatë komunave
-
Ministri i Drejtësisë kërkon që lëndët e pazgjidhura për privatizimin në Kosovë të trajtohen me prioritet