Kryeministri i Kosovës, Ramush Haradinaj, ka bërë thirrje për ulje të çmimit të naftës derisa ka akuzuar kompanitë që shesin naftë se kanë dëmtuar financiarisht qytetarët me çmimin e lartë.
“Dëmtimi i padrejtë financiar i qytetarëve të Republikës së Kosovës është i patolerueshëm. Kjo po ndodhë nga kompanitë që importojnë dhe shesin naftë në Kosovë”, ka shkruar Haradinaj në Facebook.
“Çmimi i naftës në tregun botëror dhe rajonal është më i ulët aktualisht, derisa në tregun kosovar, operatorët nuk kanë reflektuar”, ka shtuar ai.
Haradinaj i ka bërë thirrje institucioneve përgjegjëse që të ndërmarrin hapat e nevojshëm për të ulur çmimin e naftës që ka dëmtuar qytetarët e Kosovës.
“U bëj thirrje Autoritetit Kosovar të Konkurrencës, Ministrisë së Tregtisë, Shoqatës e Naftëtarëve dhe të gjithë mekanizmat e tjerë që të ndërmarrin hapat e nevojshëm për ta ndryshuar këtë praktikë të keqe që dëmton qytetarët tanë”, ka shkruar Haradinaj.
“Çmimi i naftës duhet të jetë konform çmimit të tregut! Është e kuptueshme që tregu i lirë funksionon i pavarur, por kjo nuk nënkupton, në asnjë formë, dëmtimin e qëllimshëm të buxhetit të familjeve kosovare”, ka shkruar ai.
-
Naftëtarët mohojnë se nafta ka çmim të lartë në Kosovë
-
Çmimi i naftës i afrohet rekordit, Qeverisë i kërkohet të veprojë
-
Haradinaj kritikon Qeverinë në detyrë: Ka përkeqësuar kushtet e punëtorëve
-
Kërkohet largimi i akcizës për derivate për ta frenuar rritjen e çmimeve të naftës
-
Çmimi i naftës në bursë ka rënë, kur pritet të reflektohet rënia në Kosovë