Hapet thirrja për pranimin e punimeve shkencore në Konferencën Ndërkombëtare Studentore të Universitetit të Prishtinës “Hasan Prishtina”, në edicionin e tretë me radhë.
Organizatorët tregojnë se kjo konferencë në edicionin e fundit solli studentë të jo më pak se 35 shteteve të botës në kryeqytetin tonë.
“Organizimi është bërë dhe bëhet nga studentët e universitetit, iniciativë e marrë nga vetë ata e cila rezultoi të jetë tejet e suksesshme”, thuhet në njoftimin për media.
Këtë vit pritet të ketë risi dhe llojllojshmëri më të mëdha në mënyrën e organizimit.
Tema bosht e këtij edicioni do të jetë: Edukimi në Ndërmarrësi në shekullin XXI, derisa punimet do të publikohen në librin e konferencës.
“Shëtitjet e bëra në vendet e Kosovës ishin dhe janë pjesë e agjendës së konferencës që konsiderohet shumë i rëndësishëm për pikat turistike të vendit tonë”, thuhet po ashtu në njoftim.
Edhe
UP-ja hap konkurs për pranim të studentëve të rinj
Njoftimit thotë se Konferenca ka Këshillin Shkencor në të cilin bëjnë pjesë profesorë vendorë dhe ndërkombëtarë, kështu që kualiteti i punimeve që pranohen padyshim se do të jetë i lartë.
“Botimi i abstrakteve bëhet paraprakisht në mënyrë që pjesëmarrësit t'i kenë ato para se të largohen nga konferenca, ndërsa këtë edicion, për dallim nga dy edicionet e para, do të bëjmë edhe botimin e disa punimeve të plota të përzgjedhura si më cilësore”.
Afati i fundit për aplikim është 15 prill 2018.
