Fëmijët e lagjes Kodra e Trimave, sipas premtimit të Komunës së Prishtinës, do të duhej që vitin e kaluar të vendoseshin në çerdhen e re të lagjes.
Por, ambientet e reja të çerdhes ata kanë nisur t’i shfrytëzojnë nga e hëna e kësaj jave, raporton emisioni 038 i KTV-së.
Ndonëse me vonesë, prindërit thonë se ndërtimi i çerdhes me kapacitet për rreth 200 fëmijë, është ndihmesë e madhe për ta.
Edhe në këtë çerdhe me bazë në komunitet, Komuna do të t’u ndihmojë prindërve në pagesë të kopshtit.
Punimet janë vonuar edhe për hapjen e çerdhes në lagjen “Tophane”. Komuna ia ka ndërprerë kontratën kompanisë që po rinovonte objektin. Ndonëse ende nuk janë përfunduar të gjitha punimet e vrazhda, Komuna zotohet se çerdhja do të hapet sivjet.
Edhe
Objekti i ri i çerdhes “Yllkat” në kryeqytet ende s’është gati
Për shkak të rrezikut nga shembja, Komuna rrënoi vitin e kaluar objektin e çerdhes publike “Yllkat”, i cili paraqiste rrezik për fëmijët dhe stafin.
Objekti i ri ishte planifikuar të finalizohej më 2018, por deri më tani janë ndërtuar vetëm muret e jashtme të tij.
Premtimi i radhës është që çerdhja të hapet për shfrytëzim brenda këtij viti.
Çerdhja “Yllkat” do të ketë kapacitet të dyfishuar.
Këtë vit, Komuna e Prishtinës është zotuar se do të hapë edhe çerdhen në Kalabri, financimin e së cilës e ka bërë BE-ja.
Edhe
Dy çerdhe të ndërtuara para një viti në Prishtinë nuk funksionalizohen
Kryetari Ahmeti kishte premtuar institucione parashkollore në secilën lagje të Prishtinës.
Në Lëvizjen Vetëvendosje e kanë akuzuar atë se për neglizhencë ka humbur një donacion tjetër nga BE-ja për një çerdhe në Kolovicë.
