Ka një vit që Komuna e Prishtinës po i mban të mbyllura objektet e dy çerdheve duke mos i funksionalizuar, ndonëse ndërtimi i tyre ka përfunduar. Madje për to është hapur edhe konkursi për pranimin e stafit.
Njëri objekt ndodhet në lagjen “Kodra e Trimave”, e tjetri në “Tophane”, dhe janë dedikuar për fëmijët e moshës parashkollore, prej 0 deri në pesë vjet. Por tash e një vit ato po qëndrojnë të mbyllura, shkruan sot Koha Ditore.
Përfaqësues të opozitës dhe qytetarët akuzojnë Komunën e Prishtinës se duke i mbajtur të mbyllura këto objekte, të ndërtuara me buxhetin e taksave të qytetarëve, po ua cenon fëmijëve të drejtën për qasje në edukim institucional dhe po dëmton familjet e këtyre lagjeve.
Eman Rrahmani, asamblist në Kuvendin Komunal të Prishtinës nga radhët e VV-së, ish-partia e kryetarit të Komunës, Shpend Ahmeti, ka thënë se këto çerdhe ishin planifikuar dhe ndërtuar ashtu siç u ishin premtuar qytetarëve. Por funksionalizimin e tyre po e pengon tashmë Ahmeti, për shkaqe politike, që kanë lindur pas ndarjes së VV-së.
(Detajet mund t’i gjeni në numrin e sotëm të Kohës Ditore)
-
Hapet çerdhja e re në Kodrën e Trimave, vonohet ajo në Tophane
-
Kopshti “Klea” kërkon kalimin nga privati në atë me bazë në komunitet
-
Një vit pas ndërtimit, Prizreni nuk e funksionalizon çerdhen publike
-
Nisin punimet për ndërtimin e çerdhes me bazë në komunitet në lagjen “Dardania”
-
Në Prishtinë të hënën hapen çerdhet