Gratë e vrara, protestë para Policisë së Tiranës

Studentë dhe aktivistë të shoqërisë civile dolën në protestë përpara Drejtorisë së Policisë së Tiranës kundër dhunës dhe vrasjeve të grave në Shqipëri. Me moton “Dhuna nuk ka justifikim”, ata i bënë thirrje grave të mos heshtin, por të denoncojnë rastet e dhunës.

Aktivistët e shoqërisë civile i bënë apel institucioneve shtetërore të reagojnë, ndërkohë që thanë se ndryshimet ligjore të ndërmarra në këtë drejtim për aq kohë sa mbeten në letër nuk e ndryshojnë situatën, raporton “Abcnews”.

Vetëm gjashtë muajt e parë të këtij viti janë vrarë gjashtë gra.

Më të fundit janë Ardjana Shaholli nga Durrësi, e cila u godit për vdekje nga bashkëshorti pas një sherri banal dhe Xhuljata Çuni, e cila u vra ndërsa po shkonte të jepte provimin e letërsisë.