Grupi për Studime Juridike dhe Politike (GLSP) ka mbajtur tryezë diskutimi me temën “Themelimi i Gjykatës Komerciale Kosovë: Nevoja për themelimin e saj, sfidat dhe pritshmëritë”, raporton Ekonomia Online.
Rreze Hoxha-Zhuja nga kjo organizatë tha se krijimi i kësaj gjykate në bazë të vlerësimeve do të sjellë më shumë dëm se sa dobi.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas saj, nëse arsyetohet me kohëzgjatjen e zgjedhjes së lëndëve të njëjtë kohë lëndët e marrin të shqyrtohen edhe në departamentin në kuadër të Gjykatës Themelore.
Por ajo shtoi se edhe për çështje të tjera do të duhej të krijoheshin gjykata specifike.
“Periudha e gjatë për të zgjidhur mosmarrëveshje është 3 vjet. Krijimi i kësaj gjykata do të shkaktonte më shumë dëme se sa dobi, afërsisht e njëjta kohë duhet për zgjedhjen e rasteve dhe në departamentin në gjykatë. Nëse arsyetohet kjo do të thotë që do të duhej të krijoheshin edhe gjykata për korrupsion, krim të organizuar”, tha Hoxha-Zhuja.
Deputei i LDK-së, Driton Selmanaj tha se edhe Qeveria ka gabuar në iniciativën për krijimin e kësaj gjykate, duke sqaruar se janë të vetmit që nuk e kanë përkrahur krijimin e saj.
“Unë dhe LDK kemi qenë të vetmit që e kemi kundërshtuar edhe ne si Qeveri e kemi pas në plan këtë, por ka qenë kërkesë e trashëguar më herët. Kjo nuk është zgjidhje për shumë çështje. Pritja në zgjidhjen e lëndëve nuk e arsyeton themelimin e gjykatës, edhe pse zgjasin 3 deri në 5 vjet”.
Visar Morina, profesor në Fakultetin Juridik, tha se ka munguar dhe mungon analiza e duhur për krijimin e kësaj gjykate.
“Ka nevojë për specializim të sistemit juridik dhe gjyqësor. Duhet të behët përpjekje që të definohet juridiksioni i kësaj gjykate”.
Përderisa Urim Vokshi nga Oda e Avokatëve tha se ka avokat të specializuar për këtë çështje./EO