Drejtori i Korporatës Energjetike të Kosovës, Arben Gjukaj, në emisionin “Interaktiv” të KTV-së, ka thënë se rritja e çmimit të rrymës është bërë kuturu nga ZRRE-ja dhe pa shifra të sigurta.
Gjukaj në “Interaktiv” ka thënë se ZRRE-ja ka përvojë në çmimet e rrymës, por sipas tij, shpesh nuk është pajtuar me disa vendime që ka marrë ky institucion.
“Rritja është kuturu, pa shifra të sigurta, ZRRE-ja e ka një përvojë, edhe pse shpesh nuk pajtohem me disa vendime që janë marrë. Ata do të shohin matricën e të hyrave dhe do të kenë vendim meritor”, ka thënë Gjukaj.
Drejtori i KEK-ut beson se ZRRE-ja për këtë rritje të çmimit të rrymës nuk ka marrë urdhra nga jashtë, pasi kjo do të dëmtonte edhe më shumë qytetarët e Kosovës.
“ZRRE-ja të mos merr urdhra nga jashtë, sepse parimi i saj është mirëmbajtja e sektorit dhe mbrojtja e konsumatorit. Nëse marrin urdhra nga jashtë, do të ketë dëme më të mëdha”, ka thënë Gjukaj.
-
Haxhimusa: Nëse hyjnë në fuqi tarifat e reja të rrymës rritja do të jetë 15 - 21 për qind
-
ZRRE: Nuk përjashtohet mundësia e shqyrtimit të tarifave të rrymës sërish në dhjetor
-
Haxhimusa nuk pret që iniciativa e LDK-së kundër shtrenjtimit të rrymës të ketë sukses
-
Rryma shtrenjtohet për 16.1% për të gjitha kategoritë e konsumatorëve
-
Eksperti i energjisë: Kam frikë se rritjet e çmimit të rrymës do të vazhdojnë pa ndalur