Gjilani miraton Librin për menaxhimin e financave publike dhe Kodin e etikës komunale

Në mbledhjen e sotshme të Bordit të Drejtorëve në Gjilan janë miratuar dy dokumente të rëndësishme komunale, Libri i proceseve për menaxhimin e financave publike komunale dhe Kodi i etikës komunale.

Kryetari i Gjilanit, Lutfi Haziri, ka falënderuar programin USAID TEAM për mbështetjen dhe angazhimin njëvjeçar në realizimin e këtyre dy dokumenteve të rëndësishme komunale.

Haziri ka konfirmuar se këto dy dokumente tashmë do të botohen në formë të broshurave, e të cilat do t’u shpërndahen të gjithë zyrtarëve komunalë.

Dokumentet janë pjesë e detyrimeve që kërkohen nga qeveria dhe për t’u konsideruar dokumente zyrtare, ato është dashur të aprovohen zyrtarisht nga kryetari i Komunës.