Gjermania mbetet e përkushtuar për ta mbështetur Gjykatën Speciale në Hagë dhe zbatimin e rekomandimeve të saja, përfshirë krijimin e një fondi për kompensim të viktimave.
Kryetarja e Dhomave të Specializuara, Ekaterina Trendafilova, ka nisur vizitën në Kosovë. Ka vizituar Ambasadën e Gjermanisë në Kosovë të hënën.
“Mirënjohës që kemi gjyqtaren Trendafilova, kryetaren e Dhomave të Specializuara të Kosovës, në vizitë sot në Ambasadën tonë. Gjermania mbetet e përkushtuar për ta mbështetur këtë gjykatë të rëndësishme, procedurat e saja dhe zbatimin e rekomandimeve të saja, për shembull një fond për kompensim të viktimave”, ka shkruar Ambasada në Facebook.
