Një fluturim i organizuar nga Agjencia Evropiane e Rojës Kufitare dhe Bregdetare (Frontex) ka kthyer 50 shqiptarë në Tiranë më 25 janar, që është njëkohësisht operacioni i parë i kthimit i iniciuar dhe organizuar plotësisht nga agjencia.
Në një komunikatë për shtyp lidhur me operacionin, Frontex ka shpjeguar se para se të kryhej operacioni, 50 shqiptarët kishin marrë vendimet ndaj tyre individuale të kthimit të lëshuara nga autoritetet në vendin përkatës të BE-së në të cilin ata po qëndronin.
“Agjencia ishte përgjegjëse për përcaktimin e afatit kohor, procedurat operacionale dhe, nëpërmjet Delegacionit të BE-së në Shqipëri dhe Oficerit Ndërlidhës të Frontex, për të kontaktuar autoritetet shqiptare. Në të njëjtën kohë, bashkëpunimi i shkëlqyer me autoritetet spanjolle dhe italiane siguroi suksesin e fluturimit”, thekson agjencia duke shpjeguar se si shkoi operacioni.
Duke komentuar operacionin, Drejtori Ekzekutiv i Frontex, Fabrice Leggeri, tha se hap një kapitull të ri se si agjencia mund të ndihmojë shtetet anëtare në kthimin e shtetasve të vendeve të treta pa të drejtë qëndrimi në territorin e tyre.
“Bashkëpunimi i shkëlqyer me Republikën e Shqipërisë por edhe me Spanjën dhe Italinë ka kontribuar ndjeshëm në suksesin e këtij operacioni”, shtoi ai.
Aktualisht, vetëm shtetet anëtare janë përgjegjëse për dhënien e vendimeve të kthimit, por Frontex u ofron atyre mbështetje teknike dhe operacionale në organizimin dhe koordinimin e operacioneve të kthimit, ndihmë në përcaktimin e identitetit të të kthyerve, dhe më shumë.
Edhe
Agjencia e BE-së fshehu kthimin e refugjatëve nga Greqia në Turqi
Të dhënat tregojnë se në vitin 2021, Frontex ndihmoi anëtarët e BE-së për të kthyer mbi 18 mijë njerëz në vendet e tyre të origjinës, për të cilat vendimet e kthimit u lëshuan nga autoritetet përkatëse. Numri shënoi një rritje prej 53 për qind krahasuar me vitin 2020 dhe një rritje prej 16 për qind në krahasim me vitin 2019, para shpërthimit të pandemisë COVID-19.
219 shqiptarë të tjerë ishin kthyer në shtëpi në mesin e vitit 2020 në dy fluturime të veçanta. Të gjithë ata kishin tejkaluar qëndrimin e tyre pa viza prej tre muajsh në Francë ose kishin paraqitur kërkesa të pabazuara për azil në vend. Mes tyre kishte edhe familjarë me fëmijë.
Në të njëjtin muaj, 19 shqiptarë të tjerë ishin riatdhesuar nga Gjermania për të njëjtat arsye.
