Ambasadori i Francës në Kosovë, Olivier Guerot, ka mirëpritur vendimin e Qeverisë së Kosovës për heqjen e letrave ngjitëse në targat e Serbisë. Në një postim në Twitter, Guerot ka thënë se heqja e stikerëve lehtëson jetën e qytetarëve.
“Nuk ka më nevojë për letra ngjitëse në targat e Kosovës dhe të Serbisë. Mënyrë e mirë për të nisur vitin, duke ua lehtësuar jetën qytetarëve të të dyja vendeve. Shembull i mirë për zbatimin e marrëveshjeve të tjera”, ka shkruar ai.
Plus besoin d’autocollants sur les plaques d’immatriculation des véhicules kosovars et serbes.
— Ambassadeur Olivier Guerot (@Olivier_Guerot) January 5, 2024
Bonne manière de commencer l’année, en facilitant la vie des citoyens des deux pays????
Un bon exemple à suivre pour la mise en œuvre des autres accords.
Qeveria e Kosovës të enjten vendosi që të lejojë qarkullimin e veturave me targa të Serbisë, pa ngjitës në Kosovë. Vendimi erdhi pak ditë pasi Serbia nisi ta lejojë qarkullimin e veturave me targa RKS.
E kryeministri Albin Kurti ka thënë se vendimi për heqjen e letrave ngjitëse nga targat e Serbisë mund të ndryshojë po qe se ndryshon qasja apo sjellja e autoriteteve serbe për lëvizjen e lirë të automjeteve me targa RKS. Ai ka shtuar se veprimi i Serbisë për njohjen e targave RKS duhet të lexohet si “manovër e një pushteti jodemokratik për mbijetesë vetjake”.
-
BE-ja përgëzon Kosovën e Serbinë për targat, i fton për kthim në dialog
-
Borrell mirëpret vendimin e Kosovës dhe Serbisë për targat
-
Von Cramon për targat RKS: Hap drejt realitetit të njohjes de facto të Kosovës nga Serbia
-
Hiqen letrat ngjitëse nga targat e Serbisë
-
Qeveria paralajmëron se së shpejti do të vendosë për targat e Serbisë