Juristja e të drejtës së mediave Flutura Kusari është nderuar nga presidenti i Gjermanisë, Frank-Walter Steinmeier, me Urdhrin e Meritave të Republikës Federale të Gjermanisë.
Ambasada e Gjermanisë në Kosovë ka njoftuar për këtë nderim dhe ka thënë se i është bërë për “kontributin e saj të jashtëzakonshëm për lirinë e mediave, demokracinë dhe shoqërinë civile në Kosovë dhe më gjerë”.
Urdhrin e Meritave ia ka dorëzuar të hënën Kusarit ambasadori i Gjermanisë në Kosovë, Jorn Rohde.
Kusari është shtetasja e parë e Kosovës që merr Urdhrin e Meritave të Republikës Federale të Gjermanisë.
“Në vlerësim të përkushtimit të saj të jashtëzakonshëm për promovimin e lirisë së mediave, demokracisë dhe marrëdhënieve gjermano-kosovare, presidenti i Gjermanisë vendosi ta dekorojë Dr. Flutura Kusarin me Urdhrin e Meritave të Republikës Federale të Gjermanisë”, është thënë nga Ambasada.
