Është mbajtur takimi i parë i Grupit punues për studimin e fizibilitetit të Liqenit së Ujmanit. Ky Grup është krijuar me vendim të kryeministrit Avdullah Hoti me qëllim të zbatimit të Marrëveshjes së Uashingtonit, për të siguruar bashkëpunimin e Departamentit të Energjisë së SHBA-së dhe njësive të tjera të këtij shteti.
Takimi është mbajtur të dielën nën kryesimin e zëvendësministrit të Ekonomisë dhe Ambientit, Muharrem Nitaj.
Në marrëveshjen e nënshkruar mes Kosovës dhe Serbisë më katër shtator, një nga pikat është edhe përdorimi i përbashkët i Ujmanit.
“Të dyja vendet janë pajtuar të punojnë me Departamentin amerikan për Energji, për studim fizibiliteti në mundësinë e përdorimit të përbashkët të Liqenit të Ujmanit, si burim për ujë dhe furnizim me energji”, thuhet në këtë pikë të Marrëveshjes.
-
Nis fizibiliteti që e bën Serbinë hisedare në Ujman
-
Kosova dhe Serbia me përdorim të përbashkët të Ujmanit
-
Kurti për raportin e fizibilitetit për Ujmanin: Aty është korrigjuar gabimi i bërë nga ish-kryeministri
-
INDEP: Modeli “Kolumbia” për Ujmanin, i pazbatueshëm
-
SHBA-ja pret që Kosova dhe Serbia t'i përmbahen marrëveshjes së Uashingtonit