Tiranë, 22 mars - Monedha e përbashkët europiane ka shënuar një tjetër zhvlerësim në këmbim me lekun, në tregun e brendshëm të Shqipërisë.
Sipas kursit zyrtar të Bankës së Shqipërisë, një euro u këmbye sot me 129.05 lekë, ose 0.88 lekë më pak se një ditë më parë. Ky është niveli më i ulët i euros që nga korriku i vitit 2009.
Një vit më parë, në të njëjtën datë, një euro këmbehej me 135.88 lekë.
Ndërkohë leku ka forcuar pozitat edhe në këmbim me të gjitha valutat e tjera.
Dollari ka zbritur në 105.5 lekë, paundi britanik këmbehet 147.62 lekë ose 0.39 lekë më pak se një ditë më parë, e franga zviceran ka humbur 0.60 lekë duke u kuotuar në nivelin 110.18 lekë.
Edhe
Leku forcohet kundrejt euros e dollarit
Aktorët e tregut shprehen se zhvlerësimi i monedhës europiane lidhet me ofertën e lartë të euros në tregun vendas.
Por tregu i brendshëm, sipas tyre, reflekton edhe ecurinë në bursat e huaja.
Banka e Shqipërisë bën të ditur se, vlera e lekut kundrejt valutave të huaja përcaktohet lirisht në tregun e këmbimit valutor. Luhatjet e kursit të këmbimit reflektojnë lëvizjen e lirë të mallrave e të kapitalit në shkëmbimet tregtare dhe financiare të Shqipërisë me partnerët e saj tregtarë.
Pa cenuar regjimin e një kursi të këmbimit të lirë, Banka e Shqipërisë mund të kryejë veprime në tregun valutor me objektiv përshtatjen e kursit të këmbimit me nivelin e përcaktuar nga faktorët bazë makroekonomike, shmangien e çrregullimeve dhe rritjen ose uljen e rezervës valutore.
Monedha Kryesore Lekë për njësi të monedhës së huaj
Dollar amerikan USD 105.05 -0.46
Euro EUR 129.05 -0.88
Poundi Britanik GBP 147.62 -0.39
Franga zvicerane CHF 110.18 -0.60
Edhe
Monedhat e huaja zhvlerësohen në raport me lekun
Jeni japonez (100) JPY 98.81 -0.38
Dollari australian AUD 80.74 -0.57
Dollari kanadez CAD 80.70 -0.05
Korona suedeze SEK 12.79 -0.10
Korona norvegjeze NOK 13.58 -0.09
Korona daneze DKK 17.32 -0.12
SDR SDR 152.42 -0.75
(OZ 1) XAU 138236.35 -296.17
(OZ 1) XAG 1709.69 -5.90
Edhe
Ikin emigrantët, euro fillon të ngrejë kokë kundruall lekut
Kinez (onshore) CNY 16.60 -0.07
Kinez (offshore) CNH 16.61 -0.06.
