Emisari special i SHJBA-së për Ballkanin Perëndimor, Gabriel Escobar, do të mbajë një konferencë për media të premten, 16 qershor, për ngjarjen e fundit në Kosovë dhe Serbi.
Të mërkurën, Policia e Kosovës ka thënë se tre pjesëtarë të saj janë kidnapuar nga forcat serbe, brenda territorit të Kosovës. Ajo ka prezantuar edhe një hartë nga vendi ku raportohet se u kidnapuan policët. Nga ana tjetër, Serbia pretendon se policët janë arrestuar në territorin e Serbisë, larg kufirit nga Kosova.
Derisa ngjarja ka ndodhur dhe u raportua qysh herët të mërkurën e 14 qershorit, nga bashkësia ndërkombëtare nuk ka pasur reagim. Autoritetet e Kosovës kanë kërkuar reagim të BE-së, SHBA-së e KFOR-it lidhur me situatën.
KFOR-i ka thënë se është i përfshirë me ngjarjen, por se po pret përgjigje zyrtare nga Serbia se si ka ndodhur rasti.
Ndërkohë, Qeveria e Kosovës ka vendosur që asnjë mall nga Serbia nuk do të lejohet të hyjë në Kosovë.
-
KFOR-i për serbin e rrëmbyer: Jemi në dijeni, policia ka nisur hetim dhe mbetemi në kontakt të ngushtë
-
Mblidhen ministrat e BE-së dhe Ballkanit Perëndimor, në fokus dialogu Kosovë-Serbi
-
Policia arreston personin për të cilin Shqipëria kishte lëshuar urdhër arrest ndërkombëtar
-
Dialogu Kosovë-Serbi në fokus të takimit të ministrave të BE-së dhe Ballkanit Perëndimor
-
NATO-ja e vendosur ta mbrojë Kosovën