Erdogani e sheh si tradhti hapjen e Ambasadës së Kosovës në Jerusalem

Presidenti i Turqisë, Recep Tayyip Erdogan, ka reaguar ashpër ndaj hapjes së Ambasadës së Kosovës në Jerusalem.

Ai e ka quajtur këtë si tradhti nga Kosova, raporton “Dagens Nyheter”.

Siç shkruan kjo gazetë suedeze, Erdogani, beson se Kosova pos që e ka tradhtuar atë, e ka tradhtuar edhe botën myslimane.

Ndaj vendimit të Kosovës për të hapur Ambasadën në Jerusalem ka reaguar edhe Liga Arabe, e po ashtu edhe Ministria e Punëve të Jashtme të Palestinës.

Ministria e Punëve të Jashtme të Palestinës e ka vlerësuar këtë vendim si zhgënjyes dhe u ka bërë thirrje krerëve të Kosovës që ta anulojnë vendimin.