“Elektroseveri” i kualifikon gabim teknik faturat e rrymës me termin “Kosovska Mitrovica”

Sipas Zyrës së Rregullatorit të Energjisë, “Elektroseveri” ka sqaruar se këto gabime kanë ndodhur gjatë bartjes së të dhënave nga “Elektrokosmet”-i në bazën aktuale të shënimeve. “Sqarimet e ‘Elektroseverit’ dërguar në ZRRE janë se në disa adresa të konsumatorëve ka pasur gabime teknike. Këto gabime teknike kanë ndodhur si rrjedhojë e bartjes së shënimeve nga baza e vjetër e konsumatorëve te ‘Elektrokosmeti’ në bazën e re të shënimeve të ‘Elektroseverit’. Pasi janë vërejtur këto gabime, korrigjimet e duhura janë bërë në bazën e shënimeve, si rrjedhojë, faturat e radhës do të jenë pa gabime. ZRRE-ja është në proces të vlerësimit të informatave dhe të sqarimeve të marra nga ‘Elektroseveri’”, thuhet në përgjigjen e ZRRE-së për KOHËN

Gabim teknik e ka kualifikuar kompania serbe “Elektrosever”, emërtimin “Kosovska Mitrovica” të përdorur në faturat të cilat i ka shpërndarë nëpër komunat verore të Kosovës, të banuara kryesisht me serbë.

Sipas Zyrës së Rregullatorit të Energjisë (ZRRE), “Elektrosever”-i ka sqaruar se këto gabime kanë ndodhur gjatë bartjes së të dhënave nga “Elektrokosmet”-i në bazën aktuale të shënimeve.

“Sqarimet e ‘Elektroseverit’ dërguar në ZRRE janë se në disa adresa të konsumatorëve ka pasur gabime teknike. Këto gabime teknike kanë ndodhur si rrjedhojë e bartjes së shënimeve nga baza e vjetër e konsumatorëve te ‘Elektrokosmeti’ në bazën e re të shënimeve të ‘Elektroseverit’. Pasi janë vërejtur këto gabime, korrigjimet e duhura janë bërë në bazën e shënimeve, si rrjedhojë, faturat e radhës do të jenë pa gabime. ZRRE-ja është në proces të vlerësimit të informatave dhe të sqarimeve të marra nga ‘Elektroseveri’”, thuhet në përgjigjen e ZRRE-së për KOHËN.

Përdorimin e termeve jokushtetuese në faturat e “Elektrosever”-it nuk i ka parë me shqetësim Bashkimi Evropian (BE). Peter Stano, zëdhënësi i BE-së, ka thënë se menaxhimi i faturimit, përfshirë edhe adresat ku dërgohen faturat, është në përgjegjësi të kompanisë serbe.

“Menaxhimi i faturimit, duke përfshirë adresat në të cilat dërgohen faturat, është përgjegjësi e ‘Elektroseverit’, e cila është një kompani e regjistruar dhe e licencuar sipas kornizës legjislative të Kosovës, falë marrëveshjeve për energjinë të lidhura në kuadër të dialogut”, ka thënë Stano në një përgjigje me shkrim për KOHËN.

Edhe Arbëri 28 pri 2025 Elektroseveri thotë se s’do ta rrisë çmimin e rrymës në veri

Sipas Stanos, fillimi i operimit të “Elektroseveri”: nga janari i këtij viti, duke përfshirë edhe nënshkrimin e kontratave me klientët dhe lëshimin e faturave, “është një hap shumë i rëndësishëm në drejtimin e duhur për të zbatuar plotësisht Udhërrëfyesin e Energjisë 2022”. 

“Megjithëkëtë, kërkohet një periudhë tranzicioni përpara se kompania të jetë plotësisht funksionale dhe e aftë për të kryer plotësisht detyrat e saj, ndër të tjera për aktivitetet e nevojshme informuese për të siguruar regjistrimin e të gjithë konsumatorëve të energjisë elektrike dhe për përmirësimin e infrastrukturës”, ka theksuar zëdhënësi i BE-së.

E lidhur me atë nëse BE-ja ka identifikuar ndonjë shkelje të marrëveshjes për Energjinë, në bllokun evropian nuk kanë qenë të prerë në përgjigjen e dhënë. 

“BE-ja po e monitoron nga afër zbatimin e Marrëveshjeve për Energjinë dhe Udhërrëfyesin e Energjisë dhe e vlerëson progresin në vazhdimësi. Çështjet që kanë të bëjnë me zbatimin diskutohen rregullisht me palët dhe aktorët e tjerë përkatës”, thuhet në përgjigjen e Stanos.

Edhe LAJMET E MBRËMJES 28 pri 2025 ZRRE: Vendimi për rritje të tarifave të energjisë nuk i përfshin katër komunat në veri

Shqetësimin për termin dhe kodin postar që ka përdorur kompania e pati ngritur javë më parë zëvendëskryeministri, Besnik Bislimi, gjatë takimit që e ka pasur me kryenegociatorin serb, Petar Petkoviq, në Bruksel. 

Shpërndarja e faturave në veri ka nisur në shkurtin e këtij viti nga “Elektroseveri”, pasi që në qershor të vitit paraprak kompania është pajisur me licencë për veprimtari në Kosovë. Serbët në katër komunat në veri – Mitrovicë të Veriut, Leposaviq, Zveçan dhe Zubin-Potok – kanë nisur që t’i paguajnë faturat për energjinë e shpenzuar, 24 vjet pas përfundimit të luftës viteve 1998-1999. Deri në fillim të këtij viti, koston e energjisë së shpenzuar prej tyre e patën mbuluar qytetarët e tjerë të Kosovës teksa për disa vjet ajo është mbuluar nga buxheti i shtetit.