Ekzekutivi i Ferizajt akuzohet për mungesë transparence

Subjektet opozitare, Lidhja Demokratike e Kosovës dhe Lëvizja Vetëvendosje, Dega në Ferizaj, kanë akuzuar ekzekutivin e Komunës për mungesë të transparencës me arsyetim se kryetari i saj, Agim Aliu, po keqmenaxhon me paranë publike, shkruan sot “Koha Ditore”.

Sipas tyre, ai ka punësuar mbi 500 militantë partiakë me kontratë mbi vepër.

Këshilltarët e Kuvendit Komunal, të premten, kanë debatuar mjaft gjatë rreth një draftplani të veprimit, i cili ka për qëllim rritjen e transparencës komunale për katër vjetët e ardhshëm.

Ky dokument është miratuar me shumicë të votave, por është kundërshtuar nga opozita me arsyetim se ekzekutivi i kësaj komune gjatë kësaj periudhe të qeverisjes ka dështuar në rritjen e transparencës.

(Artikullin e plotë mund ta lexoni sot në “Koha Ditore”)