Banka Qendrore e Republikës së Kosovës (BQK), ka njoftuar se projeksionet e BQK-së për vitin 2017 sugjerojnë se ekonomia e Kosovës do të karakterizohet me rritje reale prej 3.7 për qind.
“Konsumi, si komponenta kryesore e kërkesës së brendshme, pritet të shënojë rritje reale prej 2.1 për qind, bazuar në pritjet që konsumi privat do të rritet me 2.4 për qind dhe konsumi publik me 0.6 për qind. Faktorët që pritet të ndikojnë në rritjen e konsumit privat, ndër të tjera, janë edhe rritja e remitencave dhe rritja e kredive. Deri në fund të vitit 2017, remitencat pritet të shënojnë rritje vjetore prej rreth 2.8 për qind”, thuhet në raportin vjetor të BQK-së.
Sipas BQK-së, kreditë për ekonomitë familjare, të cilat në vitet e fundit kanë shënuar rritje të konsiderueshme, 14.7 për qind në vitin 2016 dhe 9.3 për qind në vitin 2015, pritet të vazhdojnë këtë trend të rritjes edhe në vitin 2017.
Raportin e plotë Vjetor të Bankës Qendrore të Kosovës, mund ta lexoni KËTU.
-
BQK-ja parasheh një rritje ekonomike prej 4.1 për qind këtë vit
-
BQK: Rritja e sivjetshme ekonomike e Kosovës, 3.7 për qind
-
BQK parashikon ngadalësim të rritjes ekonomike e përshpejtim inflacioni
-
Rritja ekonomike më 2025 - 3.9%, më e ulët se më 2024-n kur ishte 4.4%
-
BQK-ja parashikon rritje ekonomike 4.1 për qind vitin e ardhshëm