Të dhënat e Qendrës Sizmologjike Euro-Mediterane (EMSC), bëjnë të ditur se në dy orët e fundit, Tirana është goditur nga dy tërmete me magnitudë prej 3.9, respektivisht 2.0.
Epiqendra e tërmetit, sipas EMSC-së, ishte në Shijak. Tërmeti i parë është regjistruar në orën 22:05, teksa i dyti në 22:41, sipas orës lokale, raporton Koha.net.
Ndryshe, prej 26 nëntorit kur u shënua tërmet me magnitudë prej 6.4, në Shqipëri vazhdimisht ka pasur lëkundje toke të përmasave më të vogla. Nga ky tërmet, humbën jetën 51 persona, ndërkohë që la 6 pallate të shembura, 20 banesa të shembura, 185 pallate të dëmtuara (38 të dëmtuara rëndë), dhe 728 banesa të dëmtuara (620 me dëmtime të rënda).
