Këshilli për Mbrojtjen e të Drejtave dhe Lirive të Njeriut ka kërkuar nga presidenti, Hashim Thaçi, që të mos e dekretojë Radomir Llabanin si gjyqtar të Gjykatës Kushtetuese pa u verifikuar e kaluara e tij.
Llabani të premten u zgjodh gjyqtar i Kushtetueses nga deputetët e Kuvendit të Kosovës, ndërsa menjëherë u ngritën dyshimet për të kaluarën e tij kriminale, raporton KTV.
KMLDNJ-ja ka kërkuar që nëse vërtetohen dyshimet, të nisen hetime për Llabanin.
Kundër dekretimit të gjyqtarit serb është shprehur edhe Lëvizja Vetëvendosje.
Zyra e Presidentit nuk është përgjigjur në pyetjet e KTV-së, rreth mundësisë që të rishikojë dekretimin e gjyqtarit Radomir Llaban.