Një marshim në Tiranë është paralajmëruar për të dielën për të kërkuar drejtësi për Liridona Ademaj-Murselin.
Marshi, sipas njoftimit, do të nisë nga ora 11:30 dhe nisë nga Ministria e Brendshme drejt Ambasadës së Kosovës në kryeqytetin e Shqipërisë.
Marshi organizohet nën parullat “#drejtësipërLiridonen” dhe “#NdalFemicidit”.
Liridona Ademaj-Murseli u vra më 29 nëntor në Sinidoll të Prishtinës. Për vrasjen e saj janë arrestuar tre persona, në mesin e të cilëve është bashkoshorti i saj, Naim Murseli, i cili ka pohuar në Polici se ka dhënë para për vrasjen e gruas së tij.
