Një letër e nënshkruar nga 13 doktorantë dhe staf akademik në universitete të ndryshme të Evropës e Shteteve të Bashkuara të Amerikës, ku shprehet shqetësimi për trajtimin që i bëhet profesorit të Fakultetit Filozofik, Arben Hajrullahu, i është drejtuar të enjten rektorit të Universitetit të Prishtinës, Marjan Dema, dhe ministrit të Arsimit, Shkencës dhe Teknologjisë, Arsim Bajrami.
Në letrën që e ka siguruar gazeta kërkohet nga Universiteti i Prishtinës dhe nga institucionet e tjera përgjegjëse që të parandalojnë mundësinë e keqpërdorimit të konkursit publik në rastin e Hajrullahut, si dhe të të gjitha rasteve të tjera të tilla në UP, shkruan sot Koha Ditore.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Jemi njoftuar se profesor Hajrullahu po pengohet të rizgjidhet profesor i rregullt, ngase ndaj tij po aplikohet zbatim i dyshimtë dhe jo i njëtrajtshëm i procedurave. Ne kërkojmë nga Universiteti i Prishtinës dhe nga institucionet e tjera përgjegjëse që të parandalojnë mundësinë e keqpërdorimit të konkursit publik në rastin e profesor Hajrullahut, si dhe të të gjitha rasteve të tjera të tilla në Universitetin e Prishtinës. Fatkeqësisht, raste të tilla janë zhgënjyese për studiuesit e ndershëm dhe nuk e ndihmojnë ‘kthimin e trurit’ në Kosovë”, thuhet në letër.
Për rastin e Hajrullahut, “Koha Ditore” ka shkruar në muajin shkurt të këtij viti.
Ai nga viti 2006 punon në Fakultetin Filozofik si profesor asistent, ndërsa më 2011 është zgjedhur profesor i asociuar. Por në konkursin për zgjedhjen e personelit akademik, më 2016, derisa dy anëtarë të komisionit kishin vendosur në favor që Hajrullahu të zgjidhej profesor i rregullt, mendim të kundërt kishte dhënë anëtari i tretë, me arsyen se kandidatit i mungon diploma bachelor... (më gjerësisht lexoni sot në “Koha Ditore”)
Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.