13 profesorë të universiteteve botërore me peticion në mbështetje të Arben Hajrullahut

13 profesorë kosovarë që ligjërojnë nëpër universitete të ndryshme nëpër botë, kanë nënshkruar një peticion në mbështetje të profesorit universitar Arben Hajrullahu.

“Ne të poshtëshënuarit, doktorantë dhe staf akademik në Universitete të ndryshme të Evropës dhe Shteteve të Bashkuara të Amerikës, përmes kësaj letre shprehim shqetësimin tonë lidhur me trajtimin e Profesor Arben Hajrullahut nga Fakulteti Filozofik i Universitetit të Prishtinës. Ai po pengohet të rizgjedhet profesor i rregullt ngase ndaj tij po aplikohet zbatim i dyshimtë dhe jo i njëtrajtshëm i procedurave. Kërkojmë nga Universiteti dhe institucionet tjera përgjegjëse që të parandalojnë mundësinë e keqpërdorimit të konkursit publik në rastin e Hajrullahut, si dhe të të gjitha rasteve tjera të tilla në UP. Fatkeqësisht, raste të tilla janë zhgënjyese për studiuesit e ndershëm dhe nuk e ndihmojnë ‘kthimin e trurit’ në Kosovë”, thuhet .

Ata shprehin shqetësimin për kanosjen e integritetit dhe reputacionit akademik të Hajrullahut, një bartësi të titullit Magjistër dhe Doktor shkence nga Universiteti i Vjenës