10:40 - Policët e Kosovës kanë shkuar në detyrë në kufirin në veri të Kosovës, ashtu siç kanë qenë të caktuar me detyrë zyrtare.
Kështu ka njoftuar Baki Kelani, zëdhënës i policisë së Kosovës, pas raportimeve se serbët kishin bllokuar rrugën në fshatin Rudare të Zveçanit, duke ia pamundësuar shkuarjen në punë policëve dhe doganierëve.
Përpos policëve, edhe doganierët kanë shkuar në dy pikat në veri të vendit pa ndonjë problem, raporton KTV. Zëvendësimi i ekipeve atje është bërë sipas orarit të paraparë.
Serbët bllokojnë rrugët në veri, policët dhe doganierët s’mund të shkojnë në punë
Policët dhe doganierët të cilët sot kanë qenë dashur të shkojnë në punë në kufi në veri të Kosovës, nuk kanë mundur ta bëjnë një gjë të tillë.
Kjo për shkak të bllokadës në fshatin Rudare të Zveçanit, të cilën serbët e kanë vendosur që nga mbrëmë, raporton KP.
Edhe
Serbët në veri, të detyruar të dalin në barrikada
Vendosja e barrikadave ka ndodhur për shkak të arrestimit të djeshëm të shefit të Zyrës së Kosovës në Qeverinë e Serbisë, Marko Gjuriq.
Metoda të tilla të bllokimit të rrugëve nga ana e serbëve janë të njohura gjatë periudhave të mëhershme, derisa në atë kohë policët dhe doganierët janë dërguar në punë nga KFOR-i.
