Kryetari i Komunës së Gjilanit, Lutfi Haziri, të enjten ka pritur në takim pune drejtorin e Bankës Botërore për Kosovë dhe Maqedoninë Veriore, Marco Montovanelli, ku është diskutuar për mbështetjen e projekteve të efiçiencës së energjisë, programet në arsim dhe programet e tjera gjersa prioritet në programet është sigurimi i ujit të pijshëm për banorët e kësaj komune, shkruan sot Koha Ditore.
Kreu i Gjilanit ka deklaruar se përkrahja e Bankës Botërore është e rëndësishme për komunën që e drejton, gjersa ka përmendur edhe problemin që kanë me furnizimin me ujë të pijshëm.
“Jam jashtëzakonisht i lumtur për mbështetjen dhe besimin. Projekti kryesor është zgjidhja e problemit të ujit të pijshëm në periudhë afatgjate, për të cilin Banka Botërore dhe Qeveria po punojnë shumë. Banka Botërore është donator i madh në Kosovë tash e 20 vjet dhe tashmë janë në fazën e fizibilitetit dhe hulumtimin e nevojave sa i përket ujit të pijshëm, në nivel regjioni. Janë projekte të shtrenjta dhe sapo të kemi diçka konkrete do ta bëjmë publike shumën”, ka thënë Haziri pas takimit.
Ndërkaq drejtori i Bankës Botërore për Kosovë dhe Maqedoninë Veriore, Marco Montovanelli, është zotuar për mbështetje për Gjilanin në sigurimin e ujit të pijshëm.
(shkrimin e plotë e gjeni sot në “Koha Ditore”)
-
Gjilanasit vështirë po furnizohen me ujë, por Haziri thotë se s’do të mbeten pa të
-
Gjilani synon zgjidhjen e problemit të ujit të pijshëm për 100 vitet e ardhshme
-
Haziri: Gjilani ka problemin e thatësisë dhe zjarreve
-
Vonohet zbatimi i projektit 24 milionë eurosh për ujërat e zeza në Gjilan, fajësohet Komuna
-
Kërkohet nga Kuvendi të miratohet kredia e BERZH-it për trajtimin e ujërave të zeza në Gjilan