Kryetari i Kuvendit të Republikës së Kosovës, Kadri Veseli, priti sot në takim ministrin e Punëve të Jashtme të Shqipërisë, Ditmir Bushati.
Në komunikatën për medie, thotë se me të diskutoi për bashkëpunimin midis dy vendeve, siç thuhet aty, “i shtrirë tashmë në të gjitha fushat, për proceset politike në shtetet respektive dhe me theks të veçantë, për dialogun midis Kosovës dhe Serbisë”.
Veseli thotë se konfirmoi edhe njëherë qëndrimin se sovraniteti dhe integriteti territorial i Kosovës janë të pacenueshme.
Ai tha se në fund të procesit të dialogut, Kosova do të fitojë ulësen e saj në OKB, brenda kufijve me të cilët ka shpallur pavarësinë dhe është njohur ndërkombëtarisht.
Kryediplomati shqiptar, Ditmir Bushati, nga ana e tij, konfirmoi mbështetjen e Shqipërisë për Kosovën në të gjitha proceset nëpër të cilat ajo po kalon.
Veseli e Bushati theksuan nevojën që spektri politik i Kosovës të dalë me një qëndrim të përbashkët para fillimit të dialogut final.
-
Veseli: Me SHBA-në do ta sigurojmë njohjen nga Serbia dhe ulësen në OKB
-
Çfarë u tha në takimet e zyrtarëve të Kosovës me ata të Shqipërisë
-
Veseli e Meta bëjnë thirrje për unitet politik për dialogun me Serbinë
-
Veseli thotë se ka marrë përkrahje në SHBA për fazën finale të dialogut me Serbinë
-
Veseli në Kaçanik: Të bëhemi bashkë për ta përfunduar çështjen me Serbinë