“EULEX: Mbyllja e kapitullit të dështuar”, është kryetitulli i së dielës në Koha Ditore.
Shkrimi kryesor me të njëjtin titull, flet për kapitullin e dështuar të këtij misioni dhe mandatin e ri të reduktuar, vazhdimin e qëndrimit të EULEX-it në Kosovë përkundër dështimeve, mospërmbushjen e pritjeve dhe zhytjen në afera korruptive.
“Një histori për t’u harruar”, është komenti i Agron Bajramit për temën e së dielës.
Në një intervistë, analisti gjerman, Bodo Weber, tregon se pse EULEX-i nuk ka mundur të funksiononte krejtësisht i pavarur nga ndikimet politike.
Rrëfimi i së dielës për 19-vjetorin e çlirimit të Kosovës sjell sfidën e zgjedhjes së refugjatëve shqiptarë mes vendlindjes dhe Perëndimit.
“Parku muze i shtatoreve të komunizmit” dhe “Joshja drejt vdekjes” janë dy prej shkrimeve në faqet e botës.
“Masa nuk e di cila është e vërteta”, është konkludimi në 7 shkronjat e Agim Selimit.
Fejtoni i radhës nga Biblioteka e Kongresit Amerikan, flet për partitë politike - si mënyrë të arritjes së synimeve personale.
Kosovarçe sjell pritjen e Prizrenit për kthimin e dinjitetit.
“Artistja që me art eksploron historitë reale” dhe “Dy rrëfime prapa ndriçimit të skenës”, janë shkrimet që zënë faqet e botës.
“Selamllëku që pret mysafirët dhe mban gjallë një zanat” është historia e radhës në “Monument”.
Në mesin e shumë shkrimeve interesante nga sporti, veçohen ai për takimin e kampionit Kosovar me Trumpin dhe qendrën e ardhshme të Kosovës.
Këto dhe shkrime të tjera interesante nga kinematografia, shkenca, teknologjia, moda e shumëçka tjetër, mund t’i lexoni në 82 faqet e numrit të së dielës në “Koha Ditore”.