Ura në rrugën Prishtinë-Gjilan është dëmtuar si pasojë e vërshimeve.
Zëvendësministri i Infrastrukturës, Hysen Durmishi, ka publikuar në Facebook fotografi të urës te Liqeni i Badovcit ku shihet dëmtimi.
“Në rrugën Prishtinë - Gjilan është dëmtuar ura te liqeni i Badovcit. Ekipet janë duke u munduar që ta sanojnë sa më shpejtë që është e mundur. Ju lutemi të gjithëve që e frekuentojnë këtë rrugë të lëvizin me kujdes të shtuar”, ka shkruar Durmishi.
Vërshimet si pasojë e reshjeve të shiut kanë goditur të enjten disa pjesë të Kosovës.
