Demokracia Studentore, të enjten, mbajti një aktivitet simbolik në Kuvendin Komunal të Ferizajt kundër diskriminimit të gruas dhe gjuhës fyese, të cilën e ka përdorur kryetari Muharrem Sfarqa ndaj asamblistes së zgjedhur nga populli në Kuvendin Komunal në Ferizaj.
Kryetari i organizatës “Demokracia Studentore”, Mexhid Ramusa, transmeton kp, tha se këtë aktivitet simbolik e kanë organizuar në shenjë kundërshtimi ndaj diskriminimit të grave dhe për t'i treguar kryetarit Sfarqa se sjelljet e tij janë të papranueshme për qytetarët e Republikës së Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Ky gjest duhet demaskuar dhe gjykuar, gjithashtu duhet nxitur shkollimi i femrës dhe të punohet sa më shumë drejt avancimit të saj sepse nëse emancipimi i gruas nuk është arritur në shkallën e duhur, atëherë mund të vlerësohet se nuk kemi mundur ta ndërtojmë atë popull në skemën e një shteti të zhvilluar. Zhvillimi dhe emancipimi i gruas në shoqërinë e sotme moderne i jep imazh shtetit se në cilën shkallë të kulturës jemi si popull apo si komb”, tha Ramusa.
Ai ka shprehur shqetësimin për sjelljen e zyrtarëve komunalë, të cilët, sipas tij, në mënyrë agresive e kanë shqyer pankartën dhe kanë sulmuar direkt demokracinë, thuhet në komunikatën për media të Demokracisë Studentore