Gazeta sllovene “Delo” ka shkruar se presidenti i Sllovenisë, Borut Pahor, është i interesuar, që pasi t’i skadojë mandati, ta marrë pozitën e Përfaqësuesit Special të BE-së për dialogun Kosovë – Serbi.
Gazeta sllovene e ka pyetur kabinetin e Pahorit, por nga kabineti i tij është thënë se Pahor do të jetë në postin e ish-presidentit.
“Ai nuk merret me pyetjen se çfarë do të bëjë pas një viti, sepse do të ketë kohë të mjaftueshme për këtë. Tani është plotësisht i fokusuar në detyrat e tij që do t’i kryejë deri më 22 dhjetor”, thuhet nga zyra e Presidentit të Sllovenisë.
Diplomati sllovak Miroslav Lajçak ka marrë rolin e Përfaqësuesit Special të BE-së për dialogun Kosovë – Serbi më 2 prill të vitit 2020.
Lajçaku të mërkurën do të jetë në Beograd ku do të takohet me presidentin e Serbisë, Aleksandar Vuçiq.
-
Pahor konfirmon planet për ta zëvendësuar Lajçakun, e ka mbështetjen e Golobit
-
Pahor kandidat për pasardhës të Lajçakut?
-
Pahor porosit Brukselin: Mund të jem ‘ndryshues i lojës’ në dialogun Kosovë – Serbi
-
Pahori me draftdokument për dialogun, pak pritje se mund ta dinamizojë procesin
-
Pahori po përgatit draft për dialogun Kosovë – Serbi