Deputeti i pavarur, Ilir Deda, ka kritikuar udhëheqjen aktuale të Kosovës, e cila, sipas tij, për synime afatshkurta dhe joracionale po e kërcënon sigurinë e Kosovës dhe partneritetin me Aleancën Euro-Atlantike.
Deda, me këtë rast ka përmendur edhe dështimet që kjo udhëheqje që i ka sjellë Kosovës.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoKëto pikëpamje deputeti Deda i ka shfaqur në profilin vet të Facebokut:
“Nuk është pyetja a jemi për Ushtri - se të gjithë jemi për. Por, 18 vjet pas bombardimeve të Serbisë nga NATO, Serbia është në Partneritet për Paqe, dhe Ushtria e ShBA ka bashkëpunim të thellë me Ushtrinë e Serbisë. A duam që Ushtria jonë të mos ketë bashkëpunim me Ushtrinë e ShBA dhe NATO-n?
Udhëheqësia aktuale për synime afatshkurta dhe joracionale po e kërcënon sigurinë e Kosovës duke na e rrezikuar partneritetin me aleancën Euro-Atlantike. A i harruam rezultatet e kësaj mendësie: -fusnotën; bashkësinë e komunave serbe; dështimin në UNESCO; demarkacionin e keq; izolimin e Kosovës; Gjykatën Speciale; shkatërrimin e ekonomisë; kapjen e shtetit?”