Shtetet e Bashkuara të Amerikës me presidentin Donald Trump janë të interesuara për zgjidhjen e çështjes së Kosovës, ka deklaruar ministri i Jashtëm i Serbisë, Ivica Daçiq.
“Trumpi ka nevojë për sukses në politikën e jashtme dhe kjo do të ishte zgjidhja e qëndrueshme për Kosovën, e që nuk mund të arrihet pa një zgjidhje për Serbinë”, citohet të ketë deklaruar Daçiq në TV Happy, transmeton Koha.net.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj KontribuoSipas tij, Trumpi e ka kuptuar se pa marrëveshje me Serbinë nuk ka zgjidhje për Kosovën dhe “këtë e kanë kuptuar edhe shqiptarët, por ende jo disa vende europiane”, është shprehur Daçiq.
“Ky është momenti i duhur, Amerikës po i ngutet për shkak të zgjedhjeve. Mogherinit po i ngutet. Nga ana tjetër ata që nuk duan zgjidhje, atyre nuk po u ngutet”, ka thënë Daçiq duke aluduar në autoritetet, siç i quan ai, e institucioneve të përkohshme të Prishtinës.
“Nëse kthehet Biden (Joseph, ish zëvendëspresidenti i SHBA) sinqerisht nuk e di si do të jetë për Serbinë, meqë në Prishtinë ekziston bulevardi me emrin e tij. Nuk do të jemi të gëzuar për një administratë të tillë, prandaj bëjmë tifo për Trumpin, në mos për asgjë tjetër sepse e ka mundur (Hillary) Clintonin”, ka thënë Daçiq.
Ai ka paralajmëruar se do të ketë tërheqje të tjera njohjesh, duke përkujtuar se gjatë pesë vjetëve të fundit 13 vende e kanë bërë këtë gjë.
“Qytetarë të Serbisë, numri i vendeve anëtare të Kombeve të Bashkuara që nuk e njohin pavarësinë e Kosovës së shpejti do të bie nën gjysmën e tyre”, ka thënë ai, duke shtuar se edhe gjashtë vende të tjera duhet ta bëjnë këtë gjë që të arrihet ky qëllim.
Nga 193 vende anëtare të OKB-së, 91 shtete me siguri nuk e kanë njohur Kosovën, disa e kanë njohur por nuk votojnë për të, ndërsa që Serbia ta ketë me vete shumicën i duhen 97 vota.
“Që të jemi të sigurt 100 për qind, na duhen edhe gjashtë vende. Unë i dua këto gjashtë vende dhe të përfundoj, pastaj të iki në pension”, ka deklaruar ministri i Jashtëm i Serbisë, Ivica Daçiq, transmeton Koha.net.