Premtimet për çkapje të shtetit nga partitë politike, shkrimtari e publicisti Veton Surroi i sheh në një këndvështrim krejtësisht pozitiv.
Ai në një intervistë për Rubikon të KTV-së ka thënë se në të ardhmen do të ishte mirë të tregojnë edhe se si do ta bëjnë atë.
“Në mënyrë paradoksale është situatë e mirë që çdo kush do me ç’kap shtetin e kjo e identifikon kapjen e shtetit si problem real”, ka thënë ai.
Ai thotë se Lëvizja “Vetëvendosje” ka pasur një përvojë pozitive në këtë aspekt duke ju referuar qeverisjes me Prishtinën.
“Prishtina ka qenë një shembull i parregullësive posaçërisht në ndërtim. Kemi pasur një krim të organizuar urban dhe kjo shkaktuar shumë dëme në qytet.
“LDK ka qenë bashkëpjesëmarrëse në kapjen e shtetit kur ka bashkëjetuar me PDK-në dhe është bukur e vështirë të kuptohet se si ka dashur ta ç’kapë shtetin në momentin e kësaj bashkëqeverisjeje”, ka thënë ai.
Surroi i atribuon suksese LDK-së duke përmendur frenimin e derdhjes së parasë publike nëpërmjet rritjes së rrogave.
“LDK ka treguar aty se si realisht mund të bëhet shumëçka në financat publike dhe ky ishte segment pozitiv”, ka thënë ai.
“Një shoqëri e dijes e cila krijon barazinë e gruas”, thotë shkrimtari e publicisti Veton Surroi do të duhej të ishin fokus i secilit pushtet si pikësynim për ndryshimin e gjendjes në të cilën ndodhet vendi.
“Arsimi është pjesë ku është transformimi me i madh dhe më i shpejtë i një shoqërie, e kemi treguar në të kaluarën kur kemi qenë analfabet e kemi mbërri universitetin, dhe tash mund të mbërrijmë prej gjendjes së mosdijes ku jemi të mbërrijmë në një shoqëri të dijes”, ka thënë ai.
Sipas Surroit duhet të punohet në krijimin e një ekonomie eksportuese e që rrjedhimisht do të mundësonte rritjen e punësimit.
“Një këso ekonomie e cila i jep prioritet punësimit të gruas në mënyrë që ekonomia jonë të rritet. Sipas analizës së OKB-së të cilën e citoj edhe në libër, një ekonomi punësojnë gra kanë rritje përpjesëtimisht më të mëdha ekonomike se sa ekonomitë të cilat nuk i punësojnë gratë”, ka thënë Surroi.
“Inkuadrimi ynë në barazi me popujt tjerë të botës është i mundshëm vetëm në një proces i cili përfundon me pajtimin me Serbinë e ai pajtim është i mundur vetëm nëse Serbia e merr përgjegjësinë për veprimet e okupimit, luftës etj”, ka thënë ai.
Sipas Surroit, janë këto tri kritere të cilat do të duhej të përmbusheshin prej pushtetit i cili do të mund të shihej si transformues në të ardhmen.
E votuesit thotë se i mbetet të kërkoj përgjigje se si pushteti do t’i realizojnë.
Surroi beson se aktualisht skena politike ka të bëjë me racionalizim duke përmendur faktin e identifikimit të kandidatëve për kryeministra të ardhshëm.