Yll Buleshkaj nga Agjencia për Parandalimin e Korrupsionit deklaroi se është punuar një strategji e re që do të kontribuojë në parandalimin dhe luftimin e korrupsionit në Kosovë.
Ai tha në KONFRONT-in e KTV-së të mërkurën se transparenca është forma kryesore për parandalimin e korrupsionit, e kjo sipas tij, fillon nga deklarimi i pasurisë së zyrtarëve publikë.
“Transparenca është forma kryesore për parandalimin e korrupsionit. Transparenca fillon nga deklarimi i pasurisë së zyrtarëve publikë, që i vë nën llupën e publikut të gjithë zyrtarët, duke ua bërë të ditur gjendjen financiare dhe të hyrat. Një punë e madhe do të jetë edhe të hartimi i planeve të integritetit. Ne si Agjenci jemi të lumtur që kemi nisur procesin e strategjisë së re. Kosova ka më shumë se 3 vjet që s’ka strategji kundër korrupsionit”, deklaroi Buleshkaj.
Sipas tij, strategjia e fundit e Agjencisë për Parandalimin e Korrupsionit nuk ishte aprovuar në Kuvendin e Kosovës. Ai tha se përpjekja e Kosovës për luftimin dhe parandalimin e korrupsionit do të rritet nga kjo strategji e re.
“Ligji i vjetër na ka obliguar ta hartojmë strategjinë, e Kuvendi është dashur ta aprovojë këtë”, theksoi ai.
-
Buleshkaj: Kosova pa Strategji kundër korrupsionit qe 6 vjet
-
Buleshkaj: Deri në dhjetor hartohet strategjia kundër korrupsionit
-
Buleshkaj: Mandati i ri i Agjencisë fokusohet në parandalimin e korrupsionit, më pak në luftim të tij
-
Buleshkaj: Vetëm 10 për qind e kallëzimeve penale përfundojnë në aktakuza
-
Policia e Kosovës prin me numrin e zyrtarëve të vonuar në deklarimin e pasurisë