Bukëpjekësi shqiptar Lulëzim Qenaj ka vendosur t’i gëzojë qytetarët në Kroaci duke e ulur çmimin e bukës së bardhë në 60 centë, nga 1.60 centë sa sillet mesatarja e bukës së bardhë në këtë vend, raporton “Novi List”.
Iniciativën Qenaj e ka marrë me rastin e 25-vjetorit të punës.
Qenaj është pronar i zinxhirit të furrave “Arena”. Ai ka vendosur ta shesë bukën me çmim të përballueshëm. Aksioni i bukëpjekësit shqiptar do të nisë më 15 mars e do të zgjasë deri më 31 mars.
Qenaj kishte ulur çmimin e bukës edhe në nëntor.
“Nuk e kam të vështirë se e di që njerëzit nuk kanë. Më vjen mirë që ua lehtësoj jetën”, ka thënë Qenaj, që në Rijekë ndryshe njihet si “bukëpjekësi me zemër të madhe”.
Bukëpjekësi i njohur me vjet dhuron bukë e produkte tjera për njerëzit me kushte të vështira financiare. Ai njihet edhe për aksione humanitare. Ai ndihmoi zonat e prekura nga tërmeti në Petrinja, ku shpërndante bukë me furgon. Po ashtu të njëjtin bëri edhe pas përmbytjeve në Sllavoni.
-
Bukëpjekësi prizrenas trondit Kroacinë me çmimet e picave që shkojnë deri në 65 euro
-
Paralajmërohet shtrenjtimi i bukës
-
Bojkoti i marketeve në Kroaci kryen punë, nis rënia e çmimeve
-
Bojkotimi i blerjeve në Kroaci shkakton pothuajse 50 për qind më pak qarkullim
-
Kroatët bojkotojnë dyqanet për shkak të rritjes së çmimeve