Kryeministri në detyrë, Avdullah Hoti, sot ka vizituar Brezovicën dhe në takim me disa skitarë atje, ai u ka premtuar se kjo qendër do të kthehet në qendër ndërkombëtare.
Ai i ka lidhur investimet në këtë qendër me zotimet e Uashingtonit, të datës 4 shtator 2020.
Mbështete KOHËN. Ruaje të vërtetën.
Gazetaria profesionale është interes publik. Mbështetja juaj ndihmon që ajo të mbetet e pavarur dhe e besueshme. Kontribuoni edhe ju. 1 euro e bën dallimin.
Letër lexuesit — pse po kërkojmë mbështetjen tuaj Kontribuo“Kishim një bisedë të mirë me disa nga skitarët, për kushtet që janë këtu dhe për nevojën që ka kjo qendër për ta revitalizuar plotësisht. Marrëveshja e Uashingtonit do të konkretizohet dhe Brezovica do të bëhet qendër ndërkombëtare e skijimit”, ka shkruar Hoti në Facebook.
Në fakt, Brezovica ka kohë që merret në gojë gjatë fushatave parazgjedhore, por deri më tash nuk është investuar asgjë.
Ishte edhe një projekt për “Brezovicën e re”, ku parashikoheshin investim prej 300 milionë eurosh, por edhe kjo ka dështuar.
Zgjedhjet e parakohshme në Kosovë do të mbahen më 14 shkurt.