Është rihapur pikëkalimi kufitar Kosovë-Maqedoni e Veriut, në Han të Elezit.
Qendra për Menaxhim Kufitar ka njoftuar se lejohen hyrje-daljet për të gjitha automjetet. E terminali doganor mbetet i mbyllur për automjetet për bartje mallrash.
Kufiri u mbyll para rreth tre orësh për shkak të zjarrit.
Bllokohet rruga Shkup – Hani i Elezit
Rruga nga Shkupi e në drejtim të pikëkalimit kufitar, Kosovë-Maqedoni e Veriut, në Han të Elezit është bllokuar të mërkurën si pasojë e zjarreve ka njoftuar Qendra Kombëtare e Menaxhimit Kufitar.
Sipas njoftimit zjarri është në afërsi të tunelit në Maqedoni.
Edhe
Pak orë para protestës së studentëve shqiptarë në Maqedoni u mbyll e u rihap kufiri me Kosovën
“Ju informojmë bazuar në informatën e pranuar nga pala e RMV, rruga Shkup Hani i Elezit është bllokuar për të gjitha automjetet për shkak të zjarrit në afërsi të tunelit në Republikën e Maqedonisë së Veriut. Për çdo informatë shtesë do t'u njoftojmë me kohë”, thuhet në njoftim.
Bllokimi i kësaj rruge pati ndodhur edhe para dy ditësh, për disa orë. Si pasojë ishin shkaktuar kolona të gjata në pikëkalimin në Jazhincë.
