Presidenca e Kosovës ka bërë të ditur se Blerim Vela është emëruar sot shef i Stafit të Presidentes Vjosa Osmani-Sadriu.
Siç njofton presidenca, Vela ka punuar kryesisht me organizata ndërkombëtare, përfshirë OSBE-në, UNDP-në dhe Këshillin e Evropës. Ai ka këshilluar parlamentet dhe qeveritë e vendeve të ndryshme në Evropë Lindore, Lindje të Mesme, Azi Qendrore, Kaukaz, Karaibe dhe Ishujt e Paqësorit.
Vela është në përfundim të studimeve të doktoratës në Universitetin e Sussex-it në Britaninë e Madhe, Departamenti i Politikës, aty ku edhe ka përfunduar magjistraturën në fushën e politikës evropiane. Studimet në nivelin Baçellor i ka përfunduar në Departamentin e Shkencave Politike në Universitetin e Prishtinës. Më herët ka ligjëruar në Universitetin Amerikan të Kosovës dhe Universitetin e Sussex-it.
-
Jep dorëheqje shefi i stafit të presidentes, Blerim Vela
-
Donika Kadaj-Bujupi emërohet këshilltare e Osmanit
-
Vela: Osmani ka raporte të mira me SHBA-në pa shtyrë ide për copëtimin e Kosovës
-
Osmani pas takimit me zëvendëssekretarin amerikan: Kosova do ta finalizojë Dialogun Strategjik me SHBA-në
-
Osmani uron maqedonasen Sekerinska për postin e zëvendësshefes së NATO-s