“Bisedime jo të lehta” mes Lajçakut e Bislimit

“Diskutimet tona për tema të rëndësishme të dialogut nuk ishin të lehta”, ka qenë përshkrimi që Miroslav Lajçak ia ka bërë takimit të së premtes me zëvendëskryeministrin e Kosovës, Besnik Bislimi, në Bruksel.

Megjithatë, i dërguari i posaçëm i Bashkimit Evropian për dialogun, Miroslav Lajçak, e ka vlerësuar konstruktivitetin dhe gatishmërinë e Bislimit për të gjetur zgjidhje.

“Falënderoj zëvendëskryeministrin e parë të Kosovës, Besnik Bislimi, për ardhjen e sotshme në Bruksel. Diskutimet tona për tema të rëndësishme të dialogut nuk ishin të lehta. E vlerësoj qasjen e tij konstruktive dhe gatishmërinë për të gjetur zgjidhje”, ka shkruar Lajçak në Twitter.

KOHA raportoi një ditë më herët se Bislimi do ta takojë Lajçakun në Bruksel të premten. Është paralajmëruar se në të njëjtën ditë, i dërguari i BE-së do të komunikojë nëpërmjet video-lidhjes edhe me delegacionin e Serbisë.