Bashkimi Evropian pret që Agjencia e Kosovës për Akreditim (AKA) të funksionojë si institucion i pavarur.
Kështu ka deklaruar të hënën, zëvendësshefi i Zyrës së BE-së në Kosovë, Riccardo Serri, gjatë një tryeze të mbajtur nga Agjencia e Kosovës për Akreditim (AKA) ku është diskutuar për raportin e vetëvlerësimit të këtij institucioni, shkruan sot Koha Ditore.
Raporti i vetëvlerësimit do t’i dërgohet Asociacionit Evropian për Sigurimin e Cilësisë në Arsimin e Lartë (ENQA) dhe Regjistrit Evropian për Sigurimin e Cilësisë në Arsimin e Lartë (EQAR).
Serri ka thënë se Agjencia e Kosovës për Akreditim është një prej prioriteteve të Bashkimit Evropian.
“Ne shpresojmë se do të arrijmë disa objektiva si, pavarësi të Agjencisë së Akreditimit dhe ngritje të cilësisë në arsimin e lartë e fuqizim të arsimit. Unë, Apostolova dhe të gjithë kolegët e mi që ndjekin këtë çështje për së afërmi janë të impresionuar me përkushtimin dhe nivelin e cilësisë së veprimit që keni ndërmarrë deri më tani që nga emërimi juaj”, ka theksuar ai.
Edhe
Qeveria e sheh të domosdoshëm forcimin e pavarësisë së Agjencisë për Akreditim
Sipas tij, arsimi cilësor është shumë me rëndësi për çdo vend e në veçanti për Kosovën, e cila e ka popullatën më të re në Evropë. Fakti që Kosova ka numër të madh të studentëve Serri ka theksuar se duhet të ndikojë edhe më shumë në ngritjen e cilësisë./ Edona Kutleshi
Artikullin e plotë mund ta lexoni në numrin e sotëm të Kohës Ditore
