Bashkimi Evropian ka hequr ndalesën e eksportit të pajisjeve mjekësore për vendet e Ballkanit Perëndimor, ka bërë të ditur të mërkuren ministri i Shëndetësisë, Arben Vitia.
Vitia, pas takimit me ministrin e Integrimeve Evropiane, Blerim Reka, ka treguar se nga ky i fundit sot është njoftuar për këtë vendim, transmeton KOHA.,
“Sot nga ministri Reka u njoftova për vendimin e fundit të Bashkimit Evropian për heqjen e ndalesës së eksportit të pajisjeve mjekësore për vendet e Ballkanit Perëndimor”, shkruan në Facebook Vitia.
Ministri i Shëndetësisë këtë vendim e quan të shumëpritur.
“Tani e tutje do të ketë shumë më shumë më shumë lehtësi për të kryer furnizimet e nevojshme e të domosdoshme për pacientët tanë e për të gjithë qytetarët në luftën kundër përhapjes së pandemisë”, shkruan ai.
-
BE-ja mirëpret heqjen e kufizimeve për mallrat nga Serbia
-
BE-ja heq kufizimet për disa vende të Ballkanit
-
Vitia dhe homologët e tij të rajonit pajtohen për lirinë e lëvizjes së personelit dhe pajisjeve mjekësore
-
Kryeparlamentarët e Ballkanit Perëndimor i kërkojnë BE-së të mos iu kufizohet eksporti i pajisjeve mjekësore
-
Kapacitetet e vendeve të Ballkanit për luftimin e koronavirusit